李彩華（Rain）早前去咗菲律賓出席當地克拉克溫泉度假城嘅六周年慶祝晚會，擔任表演嘉賓唱歌，同場仲有趙碩之同李卓庭㖭。當晚Rain着住條豹紋背心裙出現，睇起嚟青春又有活力。而向來身材出眾嘅趙碩之一啲都唔輸蝕，佢着咗條七彩繽紛嘅短裙現身，又襯件低胸背心，成個性感七彩蝴蝶咁，佢同Rain一個似動物一個似昆蟲，既養眼又能夠為晚會增添唔少動感。