「新銀河艦隊」皇家馬德里，新一年在西甲聯賽即要應付打吡戰，周一作客同市的基達菲；考慮皇馬有一對常規中堅停賽，主隊亦有兩名後衞坐波牢，首選捧1.52倍入球「大」。（球賽編號：星期一31；now632及660台明日5:00am直播）牽牛
皇馬在其官方網頁也表示，球隊在1月面對艱辛賽程，如西班牙盃順利晉級，一個月內要應付9場比賽，而聯賽對手也不易啃，包括對維拉利爾、馬略卡等，今仗就要面對歇冬前取得5連勝的基達菲。不過皇馬今季由摩連奴執教，球隊的紀律性及針對性部署都有所加強，眾將在上周四已歸隊及進行歇冬後首課練習；縱然仍有希古恩、杜迪克、簡拿利斯等傷兵，不過中前場火力仍猛，歇冬前西盃16強首回合就向利雲特派8蛋，基斯坦奴朗拿度（C朗）及賓施馬各入3球，迪馬利亞、奧斯爾等主力亦可上陣。
比比卡維奴齊齊停賽
不過皇馬今仗後防問題較大，一對葡萄牙國腳中堅比比及卡維奴均需停賽，當然沙治奧拉莫斯可移入中路，與艾比奧爾合作，也是一對西班牙國腳；但兩人過去甚少合作，沙治奧拉莫斯亦有輕出毛病，皇馬近5場作客有4場失波，今仗亦恐難保清白身。
基隊主場入球有保證
基達菲雖屬馬德里市「三哥」，不過歇冬前走勢甚佳，連同盃賽取5連勝；但球隊今仗亦面對停賽問題，一對後衞馬簡奴及域陀辛捷士停賽，其中以中堅馬簡奴影響較大，換上丹尼爾戴亞斯或伊巴謙卡斯，都非球隊常規人選，近期對貝迪斯、艾美利亞等攻力平平球隊，也見失守，今仗更難頂皇馬的強攻。
基達菲近年不少冒起新星，如格尼路、柏度李安，都被皇馬「回收」，09年從格尼路交易中加盟基達菲的柏利祖，是球隊今季新亮點；配合速度甚高的米古，今季8場主場只有一場比賽沒有入球，可見基達菲主場有入球保證。既然雙方有入球又有失球，入球「大」自然穩陣。
星期一31
基達菲vs皇家馬德里 1:2
半全場：和/客
盤口：基達菲[+1]
讓球主客和：D和局