【本報訊】接受兩次化療的華叔，在病情轉差後不想進一步治療，珍惜與家人、學生及摯友度過最後時光，親嚐摯友送上的臘腸飯，感受飯香溫暖；又想到落馬洲隔河眺望神州，可惜不能如願。在最後的日子仍心繫教育及民主發展的華叔，千叮萬囑接班人要做好教協及支聯會工作。
司徒華的主診醫生莫樹錦形容，華叔勇敢、樂觀面對癌病，「在整個治療過程中，我最難忘係佢鍾意食鰻魚飯，好多時候討論佢應唔應該食鰻魚飯」。去年11月初在支聯會秘書何俊仁及朱耀明牧師等人陪同下，華叔更出院到西貢吃海鮮。
上月23日，民主黨及支聯會多名成員到病房與華叔共度聖誕，當日扮聖誕老人的李永達說：「佢好開心食咗朱古力同飲咗香檳，仲祝願大家身體健康！」支聯會常委黎麗霞稱，有一次華叔說想吃臘腸飯，她親自下廚煮了一鍋臘腸飯，「好在最後都為華叔做咗一件事」。
抱恙仍放不下工作
黎麗霞憶述，兩至三周前華叔還嚷着要到落馬洲看看，可惜因天氣太冷未能成行，「我感覺到佢係想望吓中國」。10日前她最後一次見華叔，當時他還放不下支聯會工作，「佢仲話要開會，我哋勸佢唔好，放手畀其他人做，佢話唔得，仲有好多嘢要做」。
教協副會長張文光在上月28日收到華叔想見他的電話後，到醫院逗留了5小時，其間華叔只有約10分鐘時間清醒，「佢喺呢10分鐘時間，叮囑我要堅持到底，做好教協工作」，即使張文光用紙筆寫下承諾，華叔仍不放心。張文光說：「教協、支聯會同民主黨三個組織，係反映華叔一生嘅追求。」張文光向華叔承諾：「當有一天六四得到平反，我一定會話佢知！」