司徒強以華叔弟弟的身份加入華叔的治喪委員會，但不少支聯會及民主黨中人均表示，他們對司徒強認識不多，以往也甚少聽聞華叔提及與這名弟弟有密切交往。由於司徒強曾是新華社香港分社的官員，部份支聯會成員對他積極參與安排華叔身後事都感意外。
支聯會成員感疑慮
有支聯會常委表示，他們對司徒強了解不多，只知他曾是新華社香港分社官員，以往也甚少聽聞華叔提及與這名弟弟的交往，「我哋冇聽過華叔特別提起過司徒強，冇聽見過華叔講過司徒強支持佢平反六四同搞支聯會，亦冇見過佢同華叔一齊出席乜嘢場合，反而同佢一齊住嘅妹妹就有」。因此，當司徒強在華叔患病的中、後期突然經常探望華叔，不少支聯會成員都十分意外。
更令部份民主黨及支聯會成員關注的，是司徒強以家屬身份，要為華叔撰寫回憶錄，又一度要求加入扶靈名單之中，「你哋知華叔回憶錄係幾咁敏感，佢（司徒強）要拎返嚟寫，再加埋佢以前同新華社嘅關係，呢點係令我哋有疑慮」。據了解，華叔生前未有訂下書面遺囑，因此華叔政治資產的繼承問題，搞不好會引起爭議。
但另一名常委認為，華叔早已妥善安排自己的身後事，相信未必會鬧出甚麼問題，「好似扶靈名單咁，華叔一早定好晒，唔可以咁易加加減減，所以好難有乜爭拗」，反而因為華叔未有白紙黑字寫明，他保留在支聯會、教協的物件，如他寫下的一些文章、照片資料，這些重要「資產」擁有權誰屬，相信日後可能會引發爭拗。
本報記者