上世紀50年代，司徒華在紅磡街坊公立學校任職教師及教務主任。他的第一代學生憶述，初執教鞭的司徒老師是位以嚴厲、惡死聞名的教師。早會上，他會對打架、欠交功課的頑劣學生，當眾「打手板」體罰，令同學們聞風喪膽。
欠交功課打手板
62歲的戴女士，1954年入讀紅磡街坊公立學校。那時候，司徒華已在該校任教兩年，主要教高小的英文科。「佢上堂，個個坐定定，冇人敢嘈嘈閉」。她憶述，司徒華當時還未涉足社運，印象中只是一名聲大大、好惡死的教師。
「當時教員室喺咁多個課室中間，每次轉堂，同學仔都會喺窗門，或者門口打風，本來大家好嘈，有人掟粉筆、粉刷，一望見佢就快經過，就當堂全場靜晒！」周會上，司徒老師會點名叫屢欠交功課、打架的學生上台，眾目睽睽下打手板。「佢呢招喺嗰時真係有用喎，啲學生點唔乖都好，佢哋都知醜，唔想俾人當眾懲罰」。