「大帝」勒邦占士（圖）早前講聯盟嘅球隊應該「精英化」搞到滿城風雨，佢日前又有新搞作，爆響口話自己可能會再考慮參加明星賽嘅花式入樽大賽。占士彈跳力勁係人都知，但係佢自04年初入聯盟已話想參加入樽賽，講咗咁多年都係「甩底」收場，封佢為「大話王」實在唔過份。佢仲話對於自己舊年所有決定都唔會後悔，咁咪即係承認對舊年「甩底」唔玩入樽賽冇悔意囉！