前意甲AC米蘭教練李安納度，加盟死敵國際米蘭做教練仲有風波，就係受到佢喺AC米蘭嘅前隊友、前球員加度素（圖）猛烈抨擊，加度素話佢同李安納度冇交情可言，仲話其實後者係貪錢先至肯教國米，之後講到李安納度上季根本唔想做AC教練，只係算好運先帶到隊波攞聯賽第3，加度素最後再睇死佢唔會幫國米贏任何錦標，嘩！去到咁盡，睇嚟加度素真係好憎李安納度喎！