塞爾特人又輸波啦！東岸榜首嘅塞爾特人喺冇咗精神領袖加尼特在陣後，再加上正選控衞朗度腳傷連續第7場缺陣，家仲未知幾時好番，隊波要由33歲隊友皮雅斯（圖）硬撐，結果綠軍喺上周五主場以81:83輸畀近況低沉嘅黃蜂，近4場已經輸咗3場，真慘！排東岸第2位嘅熱火只係多輸兩場，綠軍再唔加把勁，「1哥」地位隨時冇埋！