前晚2010年最後一天，華仔與過萬fans在紅館倒數迎接新一年，更謂目前的他好幸福。但在介紹至愛「媽媽」葉德嫻出場時他忍不住哭，表示別人都留意他飛得有多高多遠，惟獨葉德嫻問他飛得累不累，場面感人。到踏入2011年，昨日62歲生日的徐小鳳出場唱《一起走過的日子》，笑言該曲像賣樓盤廣告，但旋律憂怨可能是欠首期，笑爆全場。
劉德華前晚配合倒數迎接2011年，於紅館的個唱改在九時半開始。
之前華仔每晚邀請不同嘉賓助陣，獻唱他指定歌曲《明星》，前晚到該環節，華仔獻唱《仍唱我的歌》時已忍不住哭，唱完他激動哽咽說：「好多人擔心我飛得幾高，飛得幾遠，好多記者問我仲可以紅幾多年，只有呢位朋友永遠擔心我飛得攰唔攰。」於是每晚均有獻唱的《MaMaILoveYou》兼《明星》原唱者葉德嫻出場，她說：「我好高興見到大家咁錫華仔，所以我都咁錫你哋。」然後獻唱《明星》。
徐小鳳愛華仔一世
到安歌部份，於1月1日生日，昨天踏入62歲的徐小鳳出場唱《一起走過的日子》，小鳳姐發揮她的幽默感，笑言是因「愛德華一世」而來，她與華仔各自舉起一隻手走向對方欲擊掌，但最終卻擦身而過，然後才回頭擁抱，引得全場大笑。
小鳳姐又笑說：「點解《一起走過的日子》旋律咁憂怨，但歌詞咁商業？」然後她與華仔依偎着，小鳳姐又說：「每次聽到都幻想同一位男士企喺露台，好似地產廣告，但咁憂怨又好似爭啲首期喎！」言詞相當搞笑，後來二人攬着再唱尾段，小鳳姐還將歌詞改成「有山有水有樹」，華仔單膝跪着向小鳳姐唱最後一句「這個傷心的女子」，最後小鳳姐祝大家新年快樂，而華仔早在前一日綵排時，已為她切蛋糕預祝生日。
「同愛我嘅人結婚」
華仔前晚又盡情與歌迷握手，又風騷問有多少人愛他，華仔說：「我要同愛我嘅人結婚，我想做世界上最多老婆嘅人。」到迎接新年時，華仔與12000觀眾一同倒數，滿場如雪花般的紙屑紛飛，場面溫馨熱鬧，歌迷情緒高漲，以致整個騷結束仍不肯走，換過一身黑色運動服的華仔惟有再出場，並笑謂：「估唔到你哋睇演唱會係嚟攞命，唔走呀？」他獻唱《開心的馬騮》及《永遠記得你》兩曲，臨別時對歌迷說：「大家唔使擔心我，我好幸福。」演唱會於12時45分才正式結束。
撰文：丁寧