幫意甲國際米蘭贏5冠王嘅29歲右閘馬爾干（圖），之前喺歐聯鬥英超熱刺時，俾威爾斯嘅加里夫巴利逢人過人錯漏百出，之不過佢喺家鄉《sambafoot.com》網站投票結果中，竟然獲得象徵為最強嘅外流巴西兵嘅「森巴金球獎」，真離奇！查實馬爾干咁都贏到，原因或者都同冇咩球星可揀有關，前世足先生卡卡受傷、返意甲羅馬嘅阿祖安奴肥到冇態、柏圖又掛住玩、羅賓奴成日發癲扭計，真係唔知班最強巴西兵團幾時東山再起！