小朋友看戲必問的問題：「呢個人係忠定係奸？」佢唔問爸爸媽媽，都會問吓自己。《毛百萬》雖是老幼咸宜的卡通片，但裏面啲角色有時係好人，有時係壞人，有啲開初係好人，後尾變成壞人，有啲剛好相反，小朋友看得儍了眼，的確需要家長指引。
看電影，娛樂而已，尤其是小朋友，有必要這樣緊張嗎？絕對有，做人要明是非，分善惡；雖然凡事冇絕對，起碼是做人的原則。江山易改，本性難移。壞人轉性，難！但並非不可能。毛百萬係星際鈍胎，仲要喺地球嘅監獄長大。最慘係一早被定型為壞孩子，但大奸角也有改邪歸正的一日。
撇開影片中不俗的娛樂性，《毛百萬》比其他同類型卡通片略勝一籌的，是善與惡、忠與奸的複雜多元性。好人可以做壞事，壞人可以做好事；樣衰不一定是壞人，樣靚也不一定是好人。無論成人小孩，都應引以為鑑。卡通片本質上會淡化一切負面的東西，包括破壞力、殺傷力、暴力等等，故此壞蛋都變得很可愛，冰凍三尺，作為家長，切勿等閒視之。
撰文：黃國兆