《愛上女主播》無論係韓劇抑或大陸劇，都咁受歡迎，睇嚟應該好快開拍西班牙版。因為繼皇馬門將卡斯拿斯愛上女主播莎拉卡邦娜露之後，卡斯拿斯嘅隊友沙治奧拉莫斯，最近亦被指同西班牙靚女主播娜拉艾華莉絲（LaraAlvarez、圖）拍拖，而且西國傳媒同球迷，仲將娜拉同莎拉作出比較㖭。講真，24歲嘅娜拉擁有蜜糖色嘅肌膚同埋一頭棕色長髮，又係同莎拉有啲相似喎！