鄭秀文（Sammi）前晚擔任劉德華演唱會嘉賓，被華仔形容為「愛上後不能自拔」及「唯一使我越軌嘅女人」，Sammi風騷抽水，擁抱了華仔兩次，又準備了飯壺，大爆華仔戒飯多年，也很少進食，她要求華仔在台上吃飯，於是華仔假裝表演高難度動作，吃下兩口飯，令Sammi歡呼：「奇景呀！」
劉德華前晚繼續在紅館舉行個唱，請來好友兼電影上的最佳情侶拍檔鄭秀文任嘉賓。華仔介紹Sammi出場時說：「佢喺我生命中不能沒有佢，佢有一種魔力，你千祈唔好愛上佢，你愛上佢會不能自拔，佢係唯一使我越軌嘅女人。」穿着一身芥末黃大衣、提着紅色飯壺的Sammi風騷出場，二人熱情擁抱。
「唔敢講私房秘密」
華仔拉Sammi到台中央叫她享受12,000觀眾的歡呼聲，Sammi笑說：「做乜啫？我未開過演唱會咩？我舊年都開10場o架！」Sammi笑指知道華仔在舞台有甚麼能講甚麼不能講，她說：「我驚有啲嘢講咗你即刻搭扯呀，我唔講你啲私房秘密嘢，講吓你身形啦。」
Sammi大讚華仔身上17塊腹肌相當誘人，她這種中女看到流口水，並笑說：「我媽託我話，華仔瘦到咁，食兩啖飯啦！」於是Sammi打開飯壺，又開玩笑說：「我知你戒飯戒咗五、六十年，你好唔好為咗我阿媽，食兩啖飯，等你阿媽開心呢？」華仔即大啖吞下一口飯，Sammi歡呼大叫：「華仔食飯呀，奇景呀，我同佢拍戲咁耐，我未見過佢食飯o架！」華仔還跪下裝作表演高難度動作的模樣，再吃下一口飯，相當搞笑。然後Sammi獻唱《明星》送給他，博得全場熱烈掌聲。
《心只有你》悼阿梅
此外，由於前日是梅艷芳死忌，華仔感性地表示：「其實我今晚有啲唔開心，因為今日係我一個好朋友，梅姐走嘅日子！我想送呢首歌畀遠方嘅梅姐！」他即唱出《心只有你》悼念梅艷芳。撰文：丁寧
