民主黨喺2010年風雨飄搖，一個政改方案令佢哋成為唔少人的箭靶，年底嘅退黨潮都惹起少少漣漪；新一年殺到，民主黨當然希望轉好運啦。
下星期三立法會召開2011年嘅首個大會，佢哋兩位黨員黃成智同甘乃威，連中兩元抽到動議辯論時間，一開波就攞頭彩，唔知算唔算一個好兆頭？
黃成智會就通貨膨脹問題提出動議辯論，促請政府幫手減輕市民生活壓力。呢期通脹成為熱門話題，唔少市民都期待政府回應時有好消息。甘乃威就動議辯論推動長遠體育發展，睇嚟喺月中（14日）財委會表決申辦2023年亞運撥款前，再畀機會各大黨派就申亞立場表吓態。