英女皇元旦授勳名單日前出爐，之前被指有可能封爵嘅英格蘭中場碧咸最後榜上無名，不過，主吹2010年南非世界盃決賽嘅英格蘭球證韋比（圖）就榜上有名，39歲嘅佢獲封為MBE。至於同樣獲封為MBE嘅，仲有北愛爾蘭嘅31歲高爾夫球手麥杜維，佢唔單止成為40年嚟首位贏得美國公開賽嘅歐洲球手，仲係歐洲隊喺萊德盃捧盃嘅功臣㖭！