期指噚日結算，恒指反覆升30點，報收22999，成交增加至527億，從增幅睇只係結算相關嘅活動帶動。
今日半日市，市靜又遇啱年結，恒指出現乾升嘅機會較大，放完假返嚟，恒指應該可以進一步上試位處23436嘅50日線阻力。
花旗股市繼續蟻步上升，不過好多大行都睇好花旗明年嘅股市，從圖表睇，花旗股市已出現突破，明年第一季可以睇好啲。
太保C輪24777：中國太保（2601）報收32.10元，升2.3%。股價之前喺35元水平現雙頂回落，反覆跌穿100日線之後走勢頗淡，股價喺29元水平重拾升軌，噚日以大成交升破50日線，形勢大好，相信短線會再上試35元關，可以諗吓隻C輪24777。
隻輪現價29.5仙，2011年3月8日到期，行使價30元，溢價2.7%，引伸波幅31.4%，槓桿率10.9倍（有效7.8倍），正股升上35元，24777睇53仙，正股跌穿31.20元就沽咗隻輪。
俊樺