「中國第一大金礦」紫金（2899）因為汀江污染案而令兩個董事俾人罰款116萬人仔單嘢原來仲有下文！國家環保局仲介入埋搵佢哋傾偈！
話說前幾日罰款額公佈之後，好多人覺得實在罰得太輕，後來，仲俾人發現，其中一個董事陳景河（圖），佢喺A股同H股所支取嘅人工，竟然可以相差成290萬！喺A股嗰邊，佢一年收275.98萬蚊，但H股嗰邊呢，就收568萬蚊，足足係一個double！
咁點解環保局要嘈佢哋呢？事關罰幾多，其實係睇個董事份糧有幾多，咁剛剛所罰嘅，好明顯係用陳生A股份糧嚟計，開單畀紫金嘅福建省環保廳就話，佢哋已經用到罰年薪50%嘅最高刑罰，而陳生嘅年薪有幾多，係由紫金話佢哋知，佢哋唔知有咁大差額o架！係呢，正常嚟講，陳生兩邊份糧應該一樣o架，唔知紫金稍後會點解釋？