熱火後衞「閃電俠」獲迪（圖）成日入楔爆籃得分，已習慣俾人惡意犯規，之不過佢亦有個習慣，就係對手犯規越狠，就會激發佢更強嘅得分欲望。好似周三作客以125:119勝火箭場波。獲迪喺第4節早段快攻時俾火箭嘅布魯斯惡意犯規，搞到佢「爆嘴」賽後仲要縫針，之但係獲迪受傷後越戰越勇，轟入今季新高45分中嘅15分，仲領熱火成今季首支作客10連勝球隊，真係勁！