王菲今年復出搞演唱會，反應都唔錯，最近有消息話佢明年會喺內地舉行巡迴演唱會，首站係廣州、之後有南京、成都同天津等等。而第一輪會喺四個城市舉行，每個城市會搞兩場。雖然主辦單位因為批文等問題，暫時唔想透露演唱會嘅具體演出時間，但就透露咗大概喺五月初開騷。至於王菲喺成都嘅演唱會就應該喺六月中舉行，到時會連開兩場。