布堅斯（圖）「李小龍上身」？李小龍喺電影話「我讀得書少，唔好呃我！」呢句說話用喺公鹿控衞布堅斯身上都有「異曲同工」之妙，但係對白就會係「我生得矮，但唔好激我！」皆因身高只得5呎5吋嘅布堅斯喺日前鬥鷹隊場波，佢夠膽頂撞球證之餘仲「觸碰」到球證，雖然佢好勇，之但係聯盟秋後算賬，搞到佢周二鬥公牛場波要罰停賽，公鹿亦以77:90大敗畀公牛囉！