奴域斯基（圖）傷勢虛驚一場！32歲德國前鋒奴域斯基周一喺小馬勝雷霆一仗扭傷，周二做咗磁力共振後證實只係扭傷膝蓋，屬於小程度傷勢。小馬為穩陣起見，仍然唔畀佢周二上陣鬥速龍，或者係連續兩晚上陣。小馬眾將「腳仔軟」周二主場以76:84爆冷輸波，希望佢快啲好番，喺球隊周四主場鬥西岸「1哥」馬刺時上陣殺敵！