前法國球王施丹將其中兩位公子交由皇家馬德里培訓，希望成為明日之星，二公子盧卡（圖）就喺日前嘅歐洲球會青年7人賽中嶄露頭角，成為皇馬青年隊贏波英雄。司職門將嘅盧卡，日前喺呢個賽事8強鬥多蒙特中，雖然失咗一球，但皇馬最後都同多蒙特鬥至互射12碼階段，而盧卡就喺最後一輪中成功撲出，幫皇馬打入最後4強階段，睇嚟盧卡嘅足球天份，絕對不比司職中場嘅大佬安素遜色。