今年中港股市表現遜色，如無意外，港股全年計仍可微升，而且總算曾升穿上年高位，但A股卻在年初已做出全年高位，即使在7月見底回升，但升唔夠幾個月，又一下子跌下來，若然只睇今年A股的圖表，還以為自己仍身處熊市中。
然而，投資者該清楚中央最怕失控，過去兩年，內地為了從金融海嘯恢復過來，放出天量信貸，久而久之，物價不停上漲，中央多次加存款準備金，向市場發出收緊訊號都不得要領，蒜頭、綠豆等繼續炒，直到近兩個月中央終加大力度，希望盡快抑制經濟過熱情況。
有投資者怕中央會出招太重，連實體經濟都打垮，不過中央過往一直擅於玩橡筋，時鬆時緊，筆者相信唔會有太大影響，況且大市估值仍算便宜，銀紙購買力又下降，後市向上的大勢仍然不改，只是會繼續出現一些間歇性震盪而已。
港股昨日回升逾300點，似有見底迹象。正如昨日所言，前日大市裂口下跌，已出現小恐慌，只是成交得400億元，略嫌不足，因而尚有隱憂，不過若今日能夠在盤中升穿昨日高位，士佳會暫時假設見底，即使之後跌穿近日期指低位22310，亦認為離底不遠，預計最盡都只係跌到21500。
現階段不買衍生工具
是否當見底，分別在於一個會切實的行動，一個則仍會靜觀其變，但現階段即使當見底買貨，都只係會買股票，衍生工具要待升勢確認才再追入。至於買貨對象可考慮藍籌股，因今年升幅實在令人失望，話晒係牛市，藍籌表現冇理由如此平庸，不過近日成交淡靜，今日炒藍籌，下日可能已轉去二三線，所以吼低買會是較理想的策略。
最近士佳見少了行家介紹藍籌，可能係由於今年表現太普通，但正好為投資者製造收集機會，到他日資金再起動，該是享受果實的時候了。
張士佳
寶來證券（香港）董事 投資服務部
mailto:[email protected]