憑住真人騷《飛黃騰達》（TheApprentice）一炮而紅嘅美國地產大亨特朗普（DonaldTrump，圖），近排諗住用佢自己個嘜頭，嚟推廣高爾夫球場嘅業務。
佢計劃掟11.5億美金（約89.7億港紙），喺蘇格蘭起一個高爾夫球綜合設施，用佢個名嚟命名，希望可以吸引多啲會員，同埋收多啲會費。
不過，佢呢個大計俾業界潑冷水，班口痕友話，佢之前已經用自己個嘜頭出過伏特加、床褥甚至短裙，個名已經用到好爛，加上《飛黃騰達》近年嘅收視拾級而下，宣傳效益已經係零。
事實上，美國床褥專賣店Sit'nSleep今個月就以「冇乜人買」為由，決定停賣特朗普出嘅床褥。