日本足球壇嘅新星又獲肯定，講緊嘅係加盟德甲多蒙特僅半季嘅21歲中場香川真司（圖），佢日前獲德甲官網評為聯賽「半季最佳球員」，真係巴閉！香川真司雖然擔任中場，之不過佢喺場上不時做後上殺手，迄今已經喺17場聯賽入咗8球，同隊友巴拉圭前鋒巴里奧斯同成為球隊聯賽首席射手，多蒙特亦都以43分做德甲榜首。如果香川下半季再加把勁，做埋德甲足球先生都唔奇！