亞視近日找黃麗梅出山主持《上海好味道》，與蘇玉華為無綫主持的《和味蘇》對撼，希望能挽救插水的收視，可惜，大前日首集播出，平均收視僅得3點，只有19萬觀眾捧場，至於《和味蘇》平均收視21點，觀眾人數約134萬。
劃定底線跳槽
對於出師不利，黃麗梅昨日坦言失望說：「睇番成個亞視其他節目收視都唔好，星期日除咗新聞之外，我個節目已經係收視最高。我真係有啲失望，可能聖誕假期，自己又耐冇做節目，欠缺宣傳，啲人唔知啦。希望努力，做番多啲宣傳，希望台勢好番啲，大家畀啲支持我！如果做到第七集收視都係唔好嘅話，我都唔做啦，考慮過檔！」是否無綫有斟她過檔？黃麗梅說：「有其他人搵過我，TVB私下有問我，其他亦有問我有冇興趣，但暫時冇話要搵大台做，自己又唔係等錢使，我做飲食節目都係為興趣啫。」
採訪：林妃