香港童軍100周年，喺迪士尼樂園竹篙灣舉行大露營。5,200個來自五湖四海嘅男、女童軍喺寒流襲港下前日入營，玩到元旦，署理特首唐英年噚日就成個童軍look咁款，入營主持開幕禮。
潮流興探討港孩現象，部份由家傭照顧開、嬌生慣養嘅營友喺屋企高床軟枕暖笠笠，家嚟露營唔止要瞓地下，半夜仲凍到喺睡袋度打晒冷震，梗係嗌辛苦。有營友同八方講，特別係天光嗰陣，凍到唔係縮埋一嚿就係同營友攬埋一堆。
天文台預測嚟緊除夕氣溫驟降。香港童軍總會叫家長唔使驚，營區有救護站同醫生24小時睇實，仲特別安排有兩日開放畀啲家長入去睇吓啲仔女。