《英國電訊報》近排搞咗個回顧，不過就唔係回顧今年發生咗咩大事，而係股神畢菲特講過啲乜﹗
股神鍾意放長線釣大魚好多人都知，所以佢老人家嘅投資策略都幾長情，佢話「巴郡嘅股東唔係一啲面目含糊、經常換馬嘅投資者，而係一啲信得過我哋、畀錢我哋投資、同我哋一齊冒險嘅人。」
對可口可樂「不變心」
咁當然亦有啲人鍾意漁翁撒網揸好多隻股。股神就咁講：「呢啲人怕且係跟挪亞學投資，佢地揸緊嗰隻應該係方舟。」形容得真係絕。
至於講到佢隻愛股可口可樂，佢就好謙咁話︰「如果你畀1000億美金（大約7800億港紙）我，叫我喺可口可樂手上攞走全球汽水業一哥嘅地位，我會畀返嚿錢你，然後講，我做唔到。」真係股神語錄句句入肉！