台灣型男鄭元暢（左）噚日出席寫真集《自導自演》記招，大會安排三個女歌迷用面具扮林依晨、張艾嘉同郭采潔要佢揀，最後鄭元暢揀咗張艾嘉。問鄭元暢點解揀張艾嘉，佢話唔覺得年紀大係問題，而且張艾嘉善解人意又溫柔，仲好識得關心人，所以就吸引到佢。不過，鄭元暢話張艾嘉已經結咗婚，佢唔會破壞人哋家庭喎。