升呢為模art的文詠珊（JaniceMan）覺得若果不自我增值隨時被out，故此JM日前有機會和澳洲籍名模JuneDally-Watkins同場出席活動，主動再約飯敍乘機討教做model的秘訣，JM更希望將來成立自家訓練學校，再升呢教人做model。
由o靚模升呢為模art的文詠珊成功轉型三級跳，近日她擔任護膚品代言人，日前出席DoctorKits活動時和40年代有名的澳洲籍模特兒始祖JuneDally-Watkins同場出現，JM馬上把握機會，活動後相約June一同食飯。
分享去死皮心得
飯敍時JM和June言談甚歡，在模特兒方面更是話題不盡，JM見機會難得，馬上向前輩討教做模特兒的貼士，June更出手教JM擺甫士，JM又問她如何保持最佳狀態，由於June早前出了一本有關做模特兒的書，她即送上一本給JM，難怪她今次做護膚代言人可謂獲益良多。JM表示：「做模特兒最緊要保持好啲皮膚，我自己都好留意，加上媽咪都係做美容院，所以佢都教我唔少秘訣。我多年嚟都會用砂糖當磨沙咁用嚟按摩皮膚，除咗可以去死皮清潔之外，本身砂糖都有滋潤作用，真係又平又好用。」
JM坦言初初做模特兒時，因為覺得要經常保持靚樣，故即使只是落街都要化妝，但現在自信心多了，加上希望讓皮膚休息，故此放假時不會化妝，只會搽防曬用品，好讓皮膚保持最好狀態，對於自己素顏，她更信心十足。
想開模特兒學校
另外，得知June開了一間模特兒學校，JM表示很羨慕：「我都希望將來自己有一間模特兒學校，親自教人做模特兒，呢個都係我嘅夢想。」
採訪：RachelWong
攝影：ChenWaiOn
