金超群最近又投資開拍新版嘅《包青天之碧血丹心》連續劇，展昭仍然搵番老拍檔何家勁、師爺都係范鴻軒。差不多同一時間，內地嘅北京紫金長天傳媒文化公司，又投資開拍一套由萬梓良做包青天嘅《七俠五義人間道》，展昭就搵咗真係打得嘅趙文卓嚟做，以電視劇嚟講，呢個卡士好強勁。不過金超群嗰套嘅角色人物觀眾都已經先入為主，加上睇開有感情兼有信心保證，所以到兩套劇播出街時究竟鹿死誰手，家真係唔知道。
趙文卓高價飾展昭
不過話分兩頭，家搵咗萬子做包拯，對觀眾嚟講確實係幾新鮮，因為真係冇乜人會將佢同包公聯想埋一齊，可以話係風馬牛不相及，連萬子自己最初接到呢個劇嘅邀請時，佢都一樣感到好意外。
萬子日前以普通話接受內地記者訪問時話：「是劇本吸引我接這個戲，我不知道別人怎樣演繹包公，反正我這個版本肯定跟別人不一樣，到時播出，大家看了就知道。」
趙文卓拍戲身價250萬人民幣，拍劇都收20萬一集，拍劇身價咁高，紫金長天都仲搵佢演出，呢間公司解釋話趙文卓嘅身手好，搵佢做展昭根本不作他人選，仲話佢貴都係值嘅！
