前晚平安夜倒數，過萬市民擠在尖沙嘴廣東道參加《郭富城廣東道聖誕SuperStreetParty》，加上來自世界各地城城歌迷，場面熱鬧又墟冚。
與年輕人比舞
坐在紅色電單車上轉出台的城城，獲得全場歌迷歡呼，看見偶像又唱又跳，掌聲更是雷動。後來城城坐吊臂升高，又有人造雪效果，相當浪漫。城城興奮得叫歌迷玩人浪，到接近凌晨零時倒數，氣氛推至高峯，城城汗流浹背，還除去外套。
同時，活動前現場舉行跳舞比賽，勝出者可即晚與城城鬥舞，事後城城說：「佢哋代表新一代舞蹈，我嘆為觀止，好開心同年輕人跳，明年個唱我都想引入啲新dancers，會去美國搵排舞老師。」
「咪以為我dry」
首次在廣東道倒數的城城表示，感覺新鮮又難忘。問他之後有甚麼節目？城城說：「會同公司同事食啲嘢，我前一日喺碼頭綵排，好大風，有少少冷親，食咗啲藥，本來擔心喉嚨有問題，好彩順利表演到。」
城城昨日在港過聖誕，問他可有約女友熊黛林？城城說：「好似唔喺香港，我好多異性朋友，唔好以為我好dry，唔使擔心我。」
採訪：胡比 攝影：黃文成