林文龍昨日要在家照顧囡囡未能陪同太太郭可盈與喻銀燕夫婦遊迪士尼，他表示：「今日陪唔到老婆去有啲可惜，幫人係無分彼此，識唔識得都唔緊要，幫到人自己都開心。」林文龍雖然與銀燕未有見過面，但他覺得她抗癌意志堅強：「可盈畀啲相我睇，雖然我冇同佢傾過偈見過面，都感覺到佢係一個好正面、積極、笑容樂觀的女仔，敢於面對呢個病，比一般人處理得好好，verygood，希望佢可以打開心窗，世界上會有奇蹟，今日醫唔到，唔等於下個月醫唔到，醫學昌明，總有希望。」
讚一千分好男人
談及銀燕夫婿方志宇照顧病妻令人感動，文龍更大讚說：「好嘢，係一千分嘅好男人，做咗男人應該要做嘅事，一齊面對，風雨同路，冇佢嘅支持，邊個陪小燕行呢條路。」
採訪：比華利