江若琳昨日在寶琳出席商場活動，穿上宮廷裝與男舞蹈員跳舞。有傳四大公司與無綫破冰失敗，無綫堅拒歌手於其他媒體亮相。問到江若琳對於頒獎禮歌手不齊人有何感想，她承認會變得單調。會否覺得無綫霸道？她說：「每間公司有唔同做法，作為歌手當然希望唔同嘅觀眾可以睇到我哋，有唔同觀眾範圍先係娛樂圈。」