上周雪災一場，不單希斯路機場恍似難民營，英國球壇亦飽受蹂躪！Big4無緣獻技，球迷對BoxDay之直通快車，可謂翹首以待，尤其是明日之倫敦打吡，更是矚目異常，車仔、阿仙奴一雙宿敵到底誰會淪為他人禮物？真是好戲在後頭！
首循環藍軍憑主場之利，兼靠問題球淨勝兩粒，今仗兵工廠正好趁佢病、攞佢命，務求一雪前恥，爭做領頭羊。記得兩月之前，人人皆謂車仔惡頂，奪標在望之際，筆者就曾唱反調，指其脫穎而出，乃由於賽程使然，實是強敵未現，先甜後苦之局！如今果然應驗！
不過，車仔雖然明宵作客，但各位以為其無制勝之道，不免見山說山，失諸單簡！雖知安帥乃是老狐狸，斷不會捨長取短，與雲格麾下比拼誰屬「地上最強」；相反，定必加強中場堵截，破壞兵工廠之互傳入楔；而且，連日宿雪，即使場地再優，亦難免濕滑泥濘，不利慣於上腳之主隊。一旦纏鬥，自是體力雄渾，經驗老到的客軍稍勝一籌。況且，阿仙奴守將本已不甚諳衝撞，遇上杜奧巴這頭「機智蠻牛」，確是更為捉襟見肘。只要安帥吩咐中場諸將於斷球後，迅速以直線傳入「盲眼位」，又或於邊線用急傳插中，則阿仙奴防線定必疲於奔命，即使杜奧巴不能直接叩關，亦必會衝散兵工廠大門，令隊友有機可乘！可以預期，安察老狐將下令於開賽後全線壓上，一舉奠勝基！兵不厭詐，破釜沉舟，拆禮物恍如搶新娘，雲格不可不防！
文：長毛