【本報訊】天氣越來越冷，於維園舉行的工展會，參展商擔心生意受影響，齊齊出盡法寶抗寒流，有賣熱食攤位急推減價糯米飯，有展商以養生驅寒的羊肚菌招徠，有電器商索性開大暖爐，再由早到晚煲湯煲糖水，「成個攤位暖笠笠，等多啲人嚟飲湯，順便介紹埋個煲畀佢哋」。
乘機促銷暖爐
「上次凍到得幾度，人流真係少咗。」聯記號負責人黃詩敏說，由於氣溫不斷下降，昨日已促員工趕於天氣尚未太冷「盡做」，而未來數天也會以野生菌煲多些湯供顧客試飲：「暖笠笠吸引多啲人嚟。」她會力推養生保暖產品，如羊肚菌等：「效用有啲似冬草蟲，可以補充體力，但平過冬草蟲。」
「凍冰冰，有乜好過食碗糯米飯。」鴻星發言人說，將不定時推出減價糯米飯，由原價25元一碗減至30元兩碗，並會在場內派贈券，憑券可獲贈脆魚，而且購買99元鮑魚，只需2元便可多獲兩隻。蛋撻王經理伍志明說，會主打糯米飯及出爐焦糖蛋撻等，期望在寒流下殺出重圍，「但唔係咁樂觀，因為上次凍，啲客都唔捨得使錢，盡做啦」。
昨傍晚起氣溫越來越低，場內遊人都越穿越多，不少人擠到德國寶攤位，只因那裏暖笠笠，「因為我哋由早到晚不斷煲湯煲糖水，仲有燒烤㖭」。董事長陳國民稱，寒冷時更會力推暖爐，「開着晒啲暖爐，等多啲人入嚟睇吓」。他說各款湯及糖水試食試飲，都旨在讓顧客停下來了解其家電產品，「我哋唔係切少少試食o架，成隻雞翼o架」。