陳冠希（Edison）重踏香港娛樂圈舞台，在淫照風波後昨日首度公開獻唱新作《reboot》，憑歌寄意唱旺自己重生，歌詞中「最尾我相信自己可以飛，無論你點睇我，我知我係邊個，我係陳冠希」，字裏行間繼續吐露Edison自我一面，無懼負面影響，又獲母親全程撐場，難怪表現風騷。
陳冠希昨日與母親一同在灣仔出席亞洲遊戲展擔任代言人，親身示範賽車遊戲，又大玩親民與粉絲近距離接觸，還在台上獻唱兩首新歌，是淫照風波後首度在港公開演出。Edison表示今年專登返港與家人和女友共度聖誕，還說：「之前好孤單一個人過聖誕，今年特別warm，買咗好多聖誕禮物。」
「做乜嘢理人哋」
Edison獲母親全程撐場特別賣口乖，在台上高呼：「ILoveYouMum，啲人成日以為我只講女友，其實我最鍾意女生係我媽咪。」
Edison在台上時略帶緊張，當他介紹其中一曲《maninthemirror》時直言：「首歌係迷失時寫，好似照鏡咁。」接着他重點推介另一首廣東歌《reboot》時語氣堅定，Rap出當中歌詞「未死你睇死跌下再爬起關機再開機UpgradeReboot機冠希重新做自己有乜嘢我做錯過對唔住我自己做乜嘢理人哋唔理吓我自己但睇戲還睇戲點解又刻意詆毀我係乜嘢力量越吹越大個個趁風點火結果一定係錯一定係我悔不當初」，Edison可謂唱出自己近年心聲，似是繼續我行我素。
向支持者敬禮
Edison稍後會推出新碟，直認憑歌吐心聲，他說：「碟有15首歌，當中係一個故事，隻碟中間好亂、迷茫，唔知自己係邊個點行，想清楚點要reboot，認識新陳冠希。」問到近年有何啟發？Edison續說：「《reboot》只係碟中第七首歌，最尾一首叫《salute》，當時仲未起番身，開始相信自己健康番，有自己工作，希望敬禮畀支持同唔支持我嘅人，畀力量我做好自己，可以令你哋發覺其實係大家嘅睇法先係錯。」
採訪：卓寶花 攝影：陳慧安