英國球證韋比（圖）負責吹今屆南非世盃決賽，似乎好鐵面無私，不過，有報道指佢日前竟然叫黑池啲球員插水！事緣英超升班馬黑池，早前請咗韋比去球會講解吓一啲球證嘅判決，後衞艾華特話：「韋比竟然同我哋講，話我哋太老實，俾人踢極都唔跌，咁球證好難判我哋有罰球喎！」唔知黑池球員會唔會聽取韋比嘅意見，喺周日對利記嘅聯賽，郁吓就跌呢？