呢排唔多掂，feel到個人行緊衰運，買波又開對家，喺日拍bid中咗啲筍嘢，點之個賣家又話啲貨跌咗落水要退錢，灰到暈！咁仲唔止，上個禮拜同嗰位好似松山研一嘅老友賭AC對羅馬，又輸埋，點搞呀！
其實輸我唔打緊，輸面嗰吓陰公！最後我焗請佢喺公司canteen鋸扒，點知領嘢！其實我都喺《蘋果》做咗段時間，睇住公司不斷進步，開心嘅，不過我哋間canteen認真唔掂，不進則退；講番個扒餐，成個鐵板得塊扒，唔熱嘅，飯同意粉又冇，話送個酥皮湯，點之啲酥皮黐實晒個碗，係食唔到嘅，當然亦都唔會有嘢飲，喺食唔飽又dry爆嘅情況下，80蚊（兩份）就咁冇咗。
輸又輸晒，食又食晒，買又買晒，今個week就要印尼，食蝦片，贏馬來西亞。
守丹
心水：印尼勝[+1]
近5場戰績：LWLWW
心得：印尼攞腳波都大聲過人