憑住電影《3D肉蒲團》而彈出嘅雷凱欣，近期經常出現台灣搵台幣。噚日就展示佢嘅36F上圍拍住32D有「台灣美胸皇后」之稱嘅劉伊心，一齊出席喺台北舉行名為「2011台北新車大展」嘅活動。
雷凱欣仲即場表演換衫，佢大膽開放嘅舉止令現場肉香四射。佢又經常不經意咁露出豹紋小底褲，吸引到現場嘅記者同觀眾對住佢影唔停，講到搶鏡佢先勝一仗。
被人又摸又掐
原本處於下風嘅劉伊心，就借住同現場嘅男士玩夾方向盤時成功扳回一城。因為佢全身夾滿方向盤，成個人動彈不得，同佢玩遊戲嘅男士就可以為所欲為，佢不斷俾對方摸屁股，據講仲又摸又掐，真係蝕底晒。佢事後好哀怨咁話：「有一點感覺不舒服，很震驚，而且被掐不只一次，相信攝影大哥都看到，我不是沒感覺，只是怕一動，兩個人身上的方向盤會掉下來，感覺很不專業，何況是在工作，也不能隨便翻臉。」所以話明星其實不易做，特別係拋個身出嚟嘅艷星，風光背後辛酸亦都唔少。