現年31歲的林峯入行超過十年，但加入樂壇只短短三年，在沒有四大唱片歌手參與下，今年初突然捧走無綫《勁歌》亞太區最受歡迎香港男歌星獎，慘遭網民狂轟未夠班，林峯的是非也未停過，他主演的無綫劇集《談情說案》被指抄日劇《神探伽俐略》，其小動作又勁扮福山雅治。
之後，林峯孭飛的電影《翡翠明珠》及《抱抱俏佳人》（圖）票房麻麻，遭六嬸親信黃家禧彈在電影市場唔掂。本月初林峯再爆冷憑《談》劇擊敗陳豪，奪得我最喜愛電視男角色獎，備受爭議。被嘲chok樣的林峯又常被指整容。
今年是非不絕，林峯明年會否繼續招是非？玄學家區仲德說：「今年係金木年，林峯喺思想、事業都有爭鬥，喺2011年，佢仲有機會奪得最受歡迎男歌手及視帝獎項，若想名譽更上一層樓，可以喺屋企東南位放白玉石擺文昌塔。」