諾貝爾經濟學獎得主去見工係咪無往而不利？未必！今屆新鮮出爐嘅得主戴蒙德（PeterDiamond）剛剛就俾花旗國參議院請佢食咗個大檸檬，唔畀佢做聯儲局理事，而且，今趟重係第二次！
點解會咁呢？一句講晒，政治作怪囉！首先，佢哋嫌戴蒙德主攻社會保障政策，唔係貨幣政策嘅專家；其次，係會違反聯儲局內唔可以有兩個理事嚟自同一地區嘅規定。
第一個理由叫做勉強講得通，但係第二個理由就有啲夾硬嚟喎！既然以上兩個理由都冇乜說服力，咁點解共和黨仲堅持唔畀佢入門？
Well，聯儲局主席伯南克推出QE2，搞到共和黨啲人條氣唔多順，而戴蒙德係伯南克師傅，一定同聲同氣，如果畀佢入埋聯儲局，容乜易「QE停不了」o架！