【本報訊】患有嚴重心臟衰竭的3歲男童張智衡昨日兩度徘徊鬼門關。羅女士連日守在寶貝仔身旁，鼓勵他不要放棄，「佢求生意志好強，我同佢講換咗心就唔使再打針食藥，可以讀書、跑步，叫佢努力撐住，佢插住喉講唔到嘢，但不斷點頭」。她呼籲好心人捐出逝世年幼親人的心臟，讓智衡得以活下去。
羅女士表示，昨日凌晨12時，醫護人員發現智衡呼吸困難，未幾心臟停頓。醫生隨即為他進行心臟按壓，但按了近一小時，小身軀仍沒有起色，「醫生話如果再按多十幾分鐘都冇反應就會宣佈死亡。我求醫生盡力按，醫生畀我喺佢身邊睇住BB，我見到BB好痛苦，（醫生）係咁壓係咁壓」。求生意志極強的智衡在關鍵一刻蘇醒，但心跳及呼吸微弱。
獲救後心跳突加速
智衡的病情持續反覆，昨日下午1時，其心跳突然加速，經醫生搶救後再次逃離鬼門關。羅女士說，他必須換心才有望康復，「醫生叫我要有心理準備，佢隨時有生命危險，但只要有一絲希望我都唔會放棄」。
瑪麗醫院表示智衡情況危殆，急需合適心臟進行移植。香港兒科心臟學會主席梁平表示，智衡的心臟曾停頓長達一小時，其腦部或因缺氧而受損，減低他成功換心的機會。
羅女士與丈夫居於中山，三年前來港誕下智衡。智衡去年10月持續發燒，求診後發現感染病毒引致心臟衰竭。智衡心衰竭的情況持續惡化，一度要靠儀器輔助血液循環以減輕心臟負荷，後來又要動手術放置心臟起搏器，上月24日至今入住瑪麗醫院深切治療部，需依靠呼吸機幫助呼吸。