聖誕燈飾好睇嗎？年年唔係聖誕老人就係雪人，無乜新意呢！今日帶大家欣賞另類燈飾，尤其喺夜晚揸車，睇見五花八門嘅靚尾燈，都忍唔住望多兩眼呢！自認是車迷的話，你又認得幾多盞呢？隨街抽影20款不同品牌及型號嘅尾燈讓大家猜猜，估中牌子都當你贏呀！
記者：許維雅
攝影：林栢鈞、梁細權
Model：Rika@GME
四大燈神
近年唔少車廠都喺尾燈設計上花咗好多心思，打破傳統舊有三間設計框框，好多形狀都充滿驚喜，成功嘅設計更會令你一看難忘，間接令車系多咗個獨有標記，你可能會一眼認出呢！以下尾燈大概可分四大類，近年大熱嘅LED尾燈當然最多，其他又有無印象？今日就考考你眼力同記憶力，睇你估中幾多盞，想知答案？就要上《蘋果動新聞》睇睇片段，答案自會揭曉！
第一類
LED花款變化多
較慳電、設計空間變化更大嘅LED燈，成為新款車系尾燈不可或缺嘅元素。細細粒燈泡可以砌出唔同線條，幼間設計亦可以鋪排出不同變化，但成本較貴，一般都出現喺較貴嘅車系中。
第二類
奇形突出
車款設計再唔可以墨守成規，尾燈嘅設計亦越來越多以唔同奇特嘅形狀出現，方形、三角、符號等通通有齊，但一般都好少出現在房車上。
第三類
雙圓標記
唔少車系都喜歡以雙圓形來設計尾燈組合，尤其係辣車款式就更多。以下呢四款圓形都各有特色，最不約而同嘅係呢四款車都係貴車一族。
第四類
老正派
屬於感覺較傳統雙間或三間設計嘅尾燈，相對較難辨認，但一般都沿用在實用型車款之上，好似七人車及房車等，已經畀咗大家一個好大嘅貼士。
即場試猜
車神中19條
我哋將20盞尾燈整成遊戲卡，即場同幾個男士試玩，好多都話見過唔記得，噏到口唇邊都講唔出。呢個遊戲唔易玩，車迷陳生雖然唔肯上鏡，但佢真係百分百車神，估中19條，唔止估中牌子，連型號都講埋，唯一講唔中一款型號咋！
