香港係全球集資一哥，咁邊間行係今年證券包銷市場嘅一哥呢？答案係「大摩」摩根士丹利！大摩今年嘅證券包銷業務大豐收，全球市佔率升到10.4%，以727億美金（大約係5671億港紙），砌低跌落第二位嘅「細摩」摩根大通嘅597億美金。第三位嘅高盛，就因為畀欺詐醜聞所累，喺花旗國嘅市佔率跌到落12年新低。
大摩已經有五年冇拎過冠軍，點解今年可以撼低諗住三連冠嘅細摩呢？因為夠平囉！佢每單deal所收嘅佣金只係2.3%，係頭10大之中最低。加上佢又接咗唔少好似農行（1288）呢類世紀「和味」job，所以咪成功跑出囉！