「聖誕快樂！」恒生（011）嘅員工，相信喺今朝早就會聽到佢哋嘅一姐、副董事長兼行政總裁梁高美懿（圖），喺恒生內部每朝早都有嘅《晨早廣播》環節，同佢哋講呢4個字！
除咗咁，梁太仲會同大家分享自己好鍾意嘅聖誕歌─畀無數人翻唱過嘅《WhiteChristmas》！梁太仲藉住呢首歌，同大家講吓人生道理。佢話自己入行咁多年，都唔覺得悶，因為一路做會有唔同嘅新挑戰。就好似啲老歌咁，由唔同嘅人重新演繹，或者加咗啲唔同嘅元素，首歌就自然百聽不厭！最後，佢仲叫大家放咗工快啲返屋企，享受吓家庭樂，同提醒大家聖誕期間會凍返，咪冷親……梁太咁細心，恒生員工應該都收到啦！