花旗股市繼續向上走，步伐雖然慢，但向上嘅勢越嚟越似樣，就算道指年結上唔到12000，1月初試關嘅機會都好大，對港股後市有利。
恒指噚日回跌142點，報收22902，其實市況並冇大變，恒指仲係貼近10日同20日線，市況靜為大戶提供搵食機會，舞高弄低都只係講緊幾百點波幅，但實食冇黐牙。家假期氣氛濃厚，恒指升破23500之後嘅上升空間會較為吸引，破咗位先至大注啲玩。
中石油C輪26715：中石油（857）報收9.98元，升0.4%。股價呢幾日升上50日線樓上，成交冇大變，因為現價同阻力區10.20元至10.60元好近，不過睇勢有機會破位炒上11.50元，可以諗吓隻C輪26715。
隻輪現價12.5仙，2011年11月14日到期，行使價9.99元，溢價12.6%，引伸波幅35.4%，槓桿率8倍（有效4.4倍），正股升上11.50元，26715睇22.5仙，升幅8成，正股跌穿9.50元就沽咗隻輪。
俊樺