坦白說，我不是3D電影的粉絲。總是覺得，噱頭多於一切；那些冒牌假貨，渾水摸魚，更不足為法。看《創．戰紀》看了前面二十分鐘，心中開始嘟噥：「冇料到？！」二十八年後的3D續集，技止此矣？數分鐘後，我眼前一亮。
話說二十年前，電腦專家奇雲突然人間蒸發，遺下獨生兒子森姆。二十年後，森姆也是電腦奇才，成功進入電腦的虛擬世界。銀幕上展現的，是高度立體的多維、多層次空間，有非常出色的視覺效果。當年《電子世界爭霸戰》應該是第一部廣泛應用CGI電腦特技的科幻片，可惜生不逢時，或者技術未臻完美，迪士尼公司蝕到入肉，所以冇人趕住拍下集。
一齣電影二十八年之後拍下集，都算係世界紀錄？！我估男主角謝夫布烈治更加開心到飛起，有老咗嘅自己，同後生嘅自己同場演出，真係發夢都估唔到！最高興嘅係二十八年後，自己演嘅續集終於以成熟嘅3DIMAX數碼拍攝科技，吐氣揚眉。
撰文：黃國兆