隨住卡斯辛奴勢必投向AC米蘭之後，隊中嘅朗拿甸奴（圖）離隊機會變得更加高，雖然有傳「細哨」可能投向洛杉磯銀河，同碧咸做隊友，但巴甲甘美奧會長奧當尼就爆，佢哋已經同AC米蘭達成協議，「細哨」嚟緊1月會重返娘家。甘美奧係朗拿甸奴成長嘅地方，所以鳥倦知還真係唔出奇，況且「細哨」心態都係希望返家鄉巴西，睇嚟下季巴甲又多一個賣點。