由印度商人主宰嘅昆士柏流浪，日前就傳出會增兵，效力費倫天拿嘅梅度（圖）成為目標，雖然呢位羅馬尼亞前鋒已經年屆31，但以佢嘅戰力，應付英冠賽事足夠有餘。昆士柏流浪領隊禾諾克就冇正面否認，只係話任何轉會都有可能性。不過，當年因服禁藥被車路士炒咗嘅梅度，家仲爭車仔千幾萬賠償費，睇嚟昆士柏流浪想要簽佢，都要孭埋呢筆巨債。